Si regjistrohet një biznes në qëndrën kombëtare të regjistrimit (QKB)

Si regjistrohet një biznes në qëndrën kombëtare të regjistrimit (QKB)

QKB ofron shërbim në territor nëpërmjet sporteleve të shërbimit pranë njësive të qeverisjes vendore. Një aplikim mund të bëhet në një sportel shërbimi të QKB-së pavarsishtë nga selia apo vendi I ushtrimit të veprimtarisë . Ju mund të regjistroheni si :

1.       Person Fizikë ;

2.       Shoqëri Kolektive ;

3.       Shoqëri Komandite;

4.       Shoqëri Përgjegjësi të Kufizuara ;

5.       Shoqëri Aksionare ;

6.       Shoqëri Kursim Krediti ;

7.       Degë ose Zyra Përfaqësimi ;

8.       Shoqëri të Bashkëpunimit Reciprok ;

9.       Shoqëri të Bashkëpunimit Bujqësor ;

Për secilin nga këto raste plotësohet formularë aplikim .

 Lista e dokumenteve shoqëruese

·         Dokument origjinal identifikimi (pasaportë biometrike, letërnjoftim elektronik).

·         Pasi është identifikuar lloji i biznesit që do të regjistrohet, aplikanti mund të gjejë listën e dokumenteve shoqëruese, të bashkëngjitur në formën specifike të aplikimit për regjistrim, e cila mund të merret ose në sportelet e QKB-së ose në faqen zyrtare të internetit të QKR-së.

Në rast pranimi të regjistrimit bëhet lëshimi i Numrit Unik të Identifikimit (NUIS), gjithashtu i njohur si NIPT.

Në rast refuzimi të regjistrimit.

1.       Nëse pas verifikimeve nëpunësi i autorizuar (regjistruesi) konstaton se të dhënat që kërkohen të regjistrohen, janë të ndryshme nga të dhënat e regjistrueshme sipas dispozitave të ligjit, regjistrimi refuzohet dhe aplikanti  njoftohet në sportel, me shkrim për shkakun e refuzimit.

2.       Nëpunësi i autorizuar (regjistruesi) refuzon regjistrimin, në rastin kur aplikanti nuk ka plotësuar ose ndrequr elementet që pengojnë regjistrimin, brenda afatit 15- ditor.

3.       Nëpunësi i autorizuar refuzon regjistrimin edhe në rastin kur aplikimi për plotësimin ose ndreqjen e elementeve që pengojnë regjistrimin, nuk plotëson të gjitha kërkesat e përcaktuara në ligj.

Pushim i përkohshëm i veprimtarisë ekonomike tregtare

Çdo subjekt, që kryen regjistrimin fillestar, mbart edhe detyrimin të regjistrojë çdo ndryshim në të dhënat e njoftuara dhe në dokumentet shoqëruese, që depozitohen në regjistër.

Dokumentacioni shoqërues për shoqëritë komandite

 -Akti i themelimit dhe Statuti, nëse jane hartuar si dy dokumente te veçanta.   
- Aktet e emërimit të organeve të shoqërisë, nëse nuk përfshihen në aktet e mësipërme. 
- Aktet e tjera të nevojshme për themelimin, sipas legjislacionit në fuqi. 
- Dokumenti i identifikimit të personave përgjegjës për administrimin dhe përfaqësimin e shoqërisë në marrëdhënie me të tretët.
- Nëse aplikimi do të kryhet nga një person i autorizuar nga të gjithë ortakët e shoqërisë kolektive, (të cilet sipas ligjit janë personat e autorizuar për të kryer aplikimin për regjistrim fillestar), duhet të depozitohet Akti i Përfaqësimit.